Taith Ymgeisydd

Bwriad ein gweminarau yw:

• Rhoi canllawiau ar y cynllun cyllido
• Rhoi cyfle i gwrdd â'n tîm Salix
• Ateb unrhyw gwestiynau sydd gan ymgeiswyr

Cynhelir y gweminarau ar Ebrill 11 am 11am, 28 Ebrill am 2pm a 13 Mai am 11am a 20 Mai am 2pm. Edrychwch ar yr ardal digwyddiadau i gofrestru ar gyfer y digwyddiadau ac i gael rhagor o wybodaeth. Rydym yn gobeithio eich gweld chi yno. 

Yn y cyfamser, anfonwch unrhyw ymholiadau penodol at [email protected] 

Rydym hefyd wedi creu fideo byr ar gynllun Digarbon. Yn y fideo, mae ein rheolwr rhaglen, Gbenga Adenaike, yn sôn am sut y bydd y cynllun benthyciad gwerth £10 miliwn yn cael ei ddarparu.

Chwarae’r fideo

I gael mynediad at Borth Cais Salix bydd gofyn i chi fewngofnodi gyda chyfrif Salix. Os oes gennych gyfrif eisoes, gwiriwch eich manylion mewngofnodi cyn i'r porth ymgeisio agor. Os nad oes gennych gyfrif Salix, gallwch gofrestru ar gyfer un yma.

Ar ôl i chi greu cyfrif, gwnewch yn siŵr eich bod yn gwirio eich manylion mewngofnodi cyn dyddiad agor y porth ymgeisio.

Darllenwch y nodiadau canllaw sy'n cynnwys popeth sydd angen i chi ei wybod am y cynllun. Byddant yn rhoi gwybodaeth i chi am gymhwysedd, meini prawf prosiectau a gwybodaeth bwysig.

Bydd y porth ymgeisio ar-lein yn casglu'r wybodaeth sydd ei hangen arnom i brosesu eich cais. Er mwyn helpu i ymgyfarwyddo â'r porth ymgeisio a'r broses gyffredinol, dylech lawrlwytho copi o gwestiynau'r porth ymgeisio. Mae'r cwestiynau hyn ar wahân i'r ffurflen gais ac mae'n ofynnol eu cwblhau'n llawn ynghyd ag uwchlwytho'r ffurflen gais a'r holl wybodaeth ategol. Mae'n bwysig gwirio eich bod wedi uwchlwytho'r holl ddogfennau gofynnol fel rhan o'ch cais cyn eu cyflwyno ar y porth. 

Sylwch fod sefydliadau wedi'u cyfyngu i un cais. 

Mae'r Telerau ac Amodau ar gyfer Digarbon wedi'u cyhoeddi ar dudalen we y cynllun a gellir dod o hyd iddynt gan ddefnyddio'r ddolen hon. 

Cyfeiriwch hefyd at yr Hysbysiad Preifatrwydd.

Unwaith y bydd y porth ymgeisio yn agor ar 22 Mai 2025, rhaid i bob ymgeisydd fewngofnodi i'w gyfrif i ddechrau'r broses ymgeisio. Rhaid i ymgeiswyr lenwi'r wybodaeth allweddol ac atodi'r holl ddogfennau gofynnol ac ategol.

Rhaid i'r broses ymgeisio gael ei chwblhau gan sefydliad y sector cyhoeddus, nid yr ymgynghorwyr sy'n ymwneud â'r prosiect.

Sylwch mai dim ond un cais y gall ymgeiswyr gyflwyno a rhaid iddynt gyflwyno cais erbyn dyddiad cau'r porth ar 7 Awst 2025. 

Er mwyn sicrhau bod eich cais yn bodloni meini prawf y cynllun, a bod yr holl ddogfennau ategol gorfodol ynghlwm, byddwn yn cynnal gwiriad ansawdd ar eich cais. Os byddwch yn methu'r cam hwn, efallai y byddwn yn cysylltu â chi i ofyn am wybodaeth ychwanegol.

Os byddwch yn pasio'r gwiriad ansawdd yng ngham 7, bydd eich cais yn mynd ymlaen i'r asesiad technegol llawn. Sylwch y gall yr aseswr technegol fod allanol i'n tîm yn Salix felly gwiriwch am negeseuon e-bost sy'n ymwneud â'ch cais.

Bydd yr aseswr technegol yn asesu'r cais fel y'i derbyniwyd ac ni fydd cyfle i gyflwyno tystiolaeth bellach. Mae hyn yn tynnu sylw at yr angen i gyflwyno cais cadarn a llawn dystiolaeth. Cyfeiriwch at y nodiadau cyfarwyddyd ar gyfer y rhestr o ddogfennau gofynnol ar gyfer pob math o brosiect. 

Bydd yr aseswyr technegol yn cynnal eu hasesiad a byddant yn cysylltu ag ymgeiswyr am eglurhad ar y wybodaeth a gyflwynir. Mae'n bwysig bod ymgeiswyr yn ymateb i unrhyw eglurhad ac ymholiadau o fewn tri diwrnod gwaith. Gall oedi wrth ymateb arwain at fethiant yr asesiad. 

Ni fydd y pwyntiau eglurhad yn gyfle i ddarparu gwybodaeth ychwanegol ar ôl i'r cais gael ei gyflwyno, mae hyn yn sicrhau bod tegwch ar draws y gronfa a bod ansawdd y cais yn cael ei bennu o'r cychwyn cyntaf.

Unwaith y bydd ymgeiswyr wedi pasio'r asesiad technegol, bydd aelod o'n tîm yng Nghymru yn cysylltu â nhw i gynnal galwad cyflawni. Bydd yr alwad yn trafod cyflawni'r prosiect, risgiau a materion allweddol, yr amserlen amorteiddio benthyciad, yn ogystal â darparu gwybodaeth angenrheidiol ar gyfer drafftio'r benthyciad. Nid yw'r alwad hon yn cael ei hasesu ond yn cael ei defnyddio fel cyfle i drafod y prosiect yn fanylach cyn dyrannu cyllid.

Unwaith y bydd yr holl geisiadau wedi'u hasesu'n llawn a'r canlyniadau wedi'u cwblhau, bydd ymgeiswyr yn cael eu hysbysu am ganlyniad eu hasesiad. Bydd cytundeb benthyciad yn cael ei gyhoeddi i ymgeiswyr llwyddiannus i gadarnhau'r cyllid a ddyfarnwyd yn ffurfiol. Bydd y cytundeb benthyciad yn cynnwys unrhyw amodau sy’n benodol i’r prosiect y mae angen eu bodloni trwy gydol cyflwyno'r prosiect. Mae rhagor o wybodaeth am gytundebau benthyciadau ar gael yng nghanllawiau'r cynllun. Ar yr amod nad oes oedi yn ystod y broses asesu, dylid anfon cytundebau benthyciadau at ymgeiswyr erbyn mis Tachwedd 2025.

Bydd ymgeiswyr aflwyddiannus yn cael eu hysbysu am ganlyniad eu hasesiad a byddant yn cael adborth ar eu cais i gynorthwyo ymgeiswyr mewn unrhyw geisiadau i'r cynllun yn y dyfodol.